Rafrænar kosningar um þingmenn og umboð atkvæða

Ég hef áður minnst á þetta á blogginu, en rafrænar kosningar opna fyrir bæði hagkvæmni og skilvirkni þegar kosið er.

http://njallhardarson.blog.is/blog/njallhardarson/entry/1016029

Það er augljóst mál að kjósandinn hefur betri tíma og næði til þess að hugsa sinn gang áður en atkvæðið er gefið þegar rafræn kosning á tölvu kjósanda er notuð.
Gamla aðferðin að standa í biðröð á kjörstað og flýta sér svo að krossa við einhvern flokk er úrelt.

Mörg mál eru vel til þess fallin að kjósa megi um þau á rafrænan hátt og virkja þannig þjóðina í ákvörðunartökunni, enda varða öll mál Alþingis þjóðina.

T.d. mætt skoða umboð atkvæða þar sem sjúkir og aldraðir framselji nánasta ættingja atkvæði sitt þannig að atkvæðið nýtist að fullu, enda má ætla að fjölskyldan hafi hagsmuna að gæta varðandi viðkomandi.

þá er ljóst að kosningar um stjórnmálaflokka í heild sinni eru ólýðræðislegar þegar útkoman er sú að menn ná inn á þing án þess að vera persónulega kosnir, þarna er um að ræða flokka en ekki menn, þ.e.a.s. hagsmunahópa sem sitja svo inni þar til þeir hrökklast út aftur.

Flokksbundnir þingmenn eru ekki alltaf fastir fyrir og fá stundum pólitíska flensu, skipta um flokk, sitja þó áfram á þingi án umboðs þess flokks sem þeir riðu inn á og algerlega án umboðs kjósenda, það er ekki lýðræðislegt að misnota traust kjósenda á þennan hátt.

Lausnin er að kjósa hvern þingmann sérstaklega eins og til dæmis með einmenningskjördæmum, en þá geta kosningar í kjörklefa, á blaði,  orðið æði klúðurslegar með  langan lista þar sem erfitt er að velja úr takmörkuðum upplýsingum þarna í kjörklefanum. Það væri því upplagt að nýta tæknina og kjósa rafrænt heiman frá, Googla þingmann og skoða málin vel áður en kosið er.

Gamla flokkalúðræðið er úrelt! Opnum nú gluggana og njótum útsýnisins og  nýtum okkar Íslenska lýðræði. Kjósum hvern mann í réttan stól. Gefum okkar þingmanni umboð!