Lýðræðið er Úrelt í núverandi mynd, við viljum Íslenskt Lýðræði og ljósið úr Norðri

Vestrænar þjóðir búa nú orðið við úrelt stjórnarfyrirkomulag sem stjórnast að mestu leyti af eiginhagsmunum þeirra sem sitja í stjórnum frekar en almannahagsmunum, sem bera þó hitann og þungann af þeim ákvörðunum sem slíkar stjórnir taka í leit að atkvæðum og deila út "klór á baki" fyrir viðkiptatengls og aðra hagsmuni sem ekki endilega hugnast viðkomandi þjóð.

Lýðræðið í núverandi mynd er orðið ÚRELT og virkar ekki lengur fyrir íslensku þjóðina, sem vel kemur fram við "ekki lengur" væntanlega þjóðaratkvæðisgreiðslu. Þetta á reyndar um allan hin vestræna heim og sáu sumir þetta fyrir löngu, eins og Nostri gamli segir; ljósið kemur úr Norðri

Allstaðar nú orðið eru stjórnarför lituð af hagsmunastjórnun fárra og í flestum tilfellum eru þessir aðilar skipaðir af hagsmunum tiltölulega voldugra afla, vinum, flokksbræðrum og viðskiptatengslum en ekki kjörnir á lýðræðislegan hátt.

Lýðræði var í byrjun hugsað sem almenn viðurkenning á tilhögun og réttindum þar sem almenningur kæmi að ákvörðunum. Það er of langt mál að fara útí alla þá galla sem koma fram á þessarri gömlu lýðræðishugsjón enda eru þeir augljósari með hverjum deginum og hefur Internetið hjálpað til að fletta ofan af ósómanum. Nægir að nefna Breta þar sem einn maður getur sett heila ríkisstjórn án samráðs við þjóðina. Á íslandi er það hópur fárra manna sem gerir hið sama, þú kýst flokk en hefur ekki hugmynd um hvað þú færð.

Með nýrri tækni hefur þó opnast gátt sem menn ættu að skoða. Nánast hvert einasta heimili í hinum vestræna heimi hefur yfir minnst einni tölvu að ráða, og nánast allir hafa aðgengi að Internetinu.

Kosningar eru ekki lengur vandamál í framkvæmd þegar talað er um að greiða atkvæði og telja. Málið er framsetning og persónukosningar, frekar en einhliða áróður og flokkaheildir, það verður að taka á þessu og gelda þessa óráðsíu.

Við Íslendingar eigum að endurskoða Lýðræðið og útfæra á þann hátt að það aðlagist nútímanum, sérstaklega varðandi aðgengi og innihald. Það er kominn tími á annarskonar stjórnarmynstur, nýja útgáfu af Lýðræðinu, Íslenskt Lýðræði.

Dæmi:

Færa alþingi meira út til fólksins með tölvuaðgengi þjóðarinnar að ákvörðunartökum þess.

• Þar sem þjóðin gæti á einni svipstundu haft áhrif og kosið um ýmsar meirháttar og stærri ákvarðanir
• Þar sem kosið er um einstaklinga til stjórnar frekar en flokka
• Þar sem pólitískir flokkar væru ekki kynntir á þingi í núverandi mynd, enda hagsmunasamtök fárra
• Þar sem komið væri á "Think Tank" eldri en 60 með reynslunýtingu í huga, nokkurskonar átak í að auka störf og starfslengd eldri borgara, sem er eitt aðalvandamálið í hinum vestræna heimi, öldrun þjóða kemur td. Dönum í koll umkring 2040

Ég nefni hér bara fáein dæmi en látið ljósið skína úr Norðri....

 

Seðlabankastjóri Hollands sakar íslensk stjórnvöld um lygar

Þá höfum við það, Nout Wellink aðalbankastjóri Seðlabanka Hollands segir að íslensk stjórnvöld hafi logið að hollenskum stjórnvöldum um fjárhagsstöðu íslensku bankanna árið 2008

Hvað ætlast Davíð Oddsson þáverandi Seðlabankastjóri fyrir nú?
Ætlar hann að koma fram fyrir alþjóð og segja að það sé rétt að Seðlabanki Íslands hafi undir hans stjórn logið í góðri trú að Hollendingum og Bretum um ástand bankakerfilsins á Íslandi á þessum tíma, eða mun hann segja okkur að  bankarnir hafi falsað skýrslur til Seðlabanka og þannig áunnið íslensku þjóðin álit Nout á okkur sem Lygamerðir?

Eða viðurkenna að hann sjálfur Seðlabankastjóri hafði ekki haft hugmynd um hvað var að gerast inni á gólfi bankastjórna á íslandi. Fylgir því engin ábyrgð að vera Seðlabankastóri?

Hver er sannleikurinn, við heimtum skýringar frá Lygamerðum NÚNA!

Engin furða með alla þessa leynd yfir þessu Icesave máli, ef við segjum nei, þá kemst þetta allt saman upp á borðið.

Eru til nægjalega margir heiðarlegir íslendingar til þess að stjórna landinu?

Það setur að manni ugg þegar maður heyrir að útrásarvíkingar og sakborningar fái afhent fyrirtækin sín aftur á silfurfati þrátt fyrir að vera með stöðu grunaðra og að fangelsisyfirvöld leigi aðstöðu hjá slíkum mönnum. Er allt aðhald og lög varðandi slík mál viljandi svo illa úr garði gerð?

Ég er sannfærður um að Icesave er ekki okkar aðalvandamál og aðeins notað sem smokescreen til að fela hin eina og sanna vanda, VANHÆFNI TIL AÐ STJÓRNA.

Stóra spurningin er hvort við íslendingar eigum nægilega marga hæfa menn og konur til þess að stjórna landinu. Það virðist vera að stjórnendur landsins séu allir með puttann í pæjunni. Erum við íslendingar virkilega svona spillt þjóð?

Hvar eru þessir heiðarlegu menn og konur? Er búið að koma slíkri vanvirðingu á þá taka þátt í pólitík að heiðalegt fólk láti ekki bendla sig við pólitík? Eru þeir sem sækjast í þessi störf almennt drullusokkar sem eru í leit að sjálfsauðgun?

Ég bara spyr.

Gjaldþrot einstaklinga

Skemmtilegt að hlusta á varnarviðtal Jóhönnu Sig. í Kastljósi þ. 2. feb.

http://dagskra.ruv.is/sjonvarpid/4472118/2010/02/02/0/

Ekkert var minnst á að þegar einstaklingar eru teknir í gjaldþrotameðferð þá losna einstaklingurinn ekki við skuldirnar sem snúa að ríkissjóði, svo sem skatta og opinber gjöld.

Þetta gerir það að verkum að hægt er að keyra einstakling í gjaldþrot árlega! Gjaldþrota einstaklingur getur ekki rétt hlut sinn ef gjaldþrotið er ekki gjaldþrot heldur verið að snúa hnífnum í sárinu og leggja drög að því að halda einstaklingnum niðri og auka þrýsting á að þessi einstaklingur flytji af landi brott.

Í Bretlandi td. þegar einstaklingur verður gjaldþrota þá er stofnuð ný einstaklingsmappa hjá ríkinu og byrjar þá einstaklingurinn með hreinan skjöld. Í Danmörku þá er til fleiri möguleikar eins og gældsanering eða gjaldahreinsun sem tekur 3 ár, án þess að menn séu gerðir gjaldþrota. En á íslandi skal níðast á þeim sem liggja lengst niðri eins og stjórnvöldum er von og vísa.

Það má svo benda á að einstaklingurinn er bara gjaldþrota á íslandi, flytji einstaklingurinn til útlanda þá er hann ekki lengur gjaldþrota þar og getur byrjað að lifa lífinu aftur eins og venjuleg manneskja án svara listans og frýr af árásum sýslumanns.

 

Fanganýlenda Suðurnesja

Ja hérna, hvernig getur maður komist upp með að skrifa slíka bull grein og bera á borð aðra eins þvælu og vitleysu eins og það að við Íslendingar myndum taka það í mál að setja upp fangabúðir fyrir alþjóðlega terrorista frá Guantanamo og fleyri stöðum, gegn syndaflausn frá Evrópusambandinu þar sem Bandaríkin myndu þá borga brúsann vegna þess að þar sem BNA hefur aðstöðu þar fari lönd ekki í gjaldþrot ???? wow.

Ég er alveg orðlaus. Erum við í slíku áliti hjá Mr. Hale sem skrifar í FT.com að engin mannréttindi séu á íslandi. Hann heldur því einnig fram að Evrópusambandið sé að innheimta Icesave, hvaða endemis bull er þetta í þessum þekkta fjármálasnillingi sem skrifar í Financial Times.

Við verðum að setja manninn niður og reyna að troða í hann einhverjum sannleikskornum og viti.

Allir sem einn eigum við að kvarta við FT.com og heimta leiðréttingu á þessu bulli. Linkur til að senda þeim tóninn er hér.

http://specials.ft.com/cgi-bin/Specials/Common/nph-SubmitForm.cgi?Form=ContactUs

Greinina má svo finna hér http://www.ft.com/cms/s/0/8d6a7594-0ed2-11df-bd79-00144feabdc0.html

Ný ríksstjórn í burðarliðnum

Það er augljóst að Íslenska ríksstjórnin verður að segja af sér þegar Íslenska Þjóðin hafnar úrræðaleysi stjórnarinnar með því að segja NEI við gjafabréfinu til handa Bretum og Hollendingum.

Laumufarþegarnir vita vel að Bretar og Hollendingar vilja ekki tala við núverandi stjórn, vitandi hún fellur þegar þjóðin mun hafna gjafabréfinu. Laumufarþegarnir eru nú þegar komnir á kreik, farnir að rotta sig saman til að styrkja stöðu sína og tryggja að þeir verði með í næstu ríkisstjórn.

Það má draga af því þá ályktun að með því að Samfylkinging sitji heima, þá eru að dragast línur sem munu skýrast frekar við úrslit komandi alþingiskosninga. 

Með því að lenda laumubráðabirgðasamkomulagi við Breta og Hollendinga þá hafa laumufarþegarnir ákveðinn ás í ermi sinni, vandamálið er bara það að þarna eru á ferð þingmenn sem skilja pólitík sem eiginhagsmunagæslu og virðast vera algerlega úr sambandi við þjóðarsálina sjálfa, sem vill alls engin gjafabréf.

 

Apple Maxipad

Verð bara í tilefni af nýjasta viðundri Apple sem þeir nefna iPad eða Macs iPad eða Maxipad sem er Túrbind af öllum hlutum. Hér er frábært grín gert af iPad, enda eru allir sammála um gagnleysi þessa nýja gadgets.

http://www.youtube.com/watch?v=YFNQE_TzQNI&feature=player_embedded

Borga Bretum strax!

Það er alltaf verið að tala um að íslenska þjóðin eigi að endurgreiða Bretum og Hollendingum, sem í raun bjuggu til einhliða upphæð með því að endurgreiða sínum landsmönnum þær skaðabætur sem þeir álitu að ættu að koma frá Íslensku þjóðinni og senda svo okkur reikninginn.

Það var aldrei sest niður og ákveðið hve mikill skaðinn væri og hver væri greiðandinn, heldur ákváðu þessir Guðir Bretar og Hollendingar einhliða upphæð og kjör, og sendu svo íslensku þjóðinni reikning með þeim skilaboðum að annaðhvort borgi íslenska þjóðin eða hún verði útskúfuð úr alþjóðasamfélaginu, sem virðist byggjast aðallega uppá NATÓ löndum.

Þessi gjörningur þeirra sýnir vel þann hroka og yfirgang sem einkennir utanríkistefnu Bresku stjórnarinnar. Þess vegna segjum við NEI, íslenska þjóðin er ekki þræll Breta né annarra NATÓ landa.

Sendi þeir reikninginn í innheimtu þá kemur fljótlega í ljós hver er greiðandinn, en auðvitað komu margir Bretar að þessum kjötpotti, þannig að sumt af reikningnum gæti lent á heimamönnum. Til dæmis er vert að skoða ráðgjafafyrirtækin Bresku sem fengu arð af öllum innlánum sem þeir gátu beint inná Icesave innlánareikninga frá Breskum bæjarfélögum og góðgerðarstofnunum með meiru. Þessi ráðgjafafyrirtæki eru einnig ábyrg.

Er ekki komið nóg af þessu bulli, látum reyna á hver á raunverulega að greiða áður en íslenska þjóðin hleypur til og borgar allan brúsann.

Það á einnig að draga alla þá íslendinga til réttmætrar ábyrgðar, sem staðið hafa að Icesave og öðrum vafasömum og ólöglegum fjármálagjörningum á Íslandi og erlendis. Vonandi mun skýrslan góða leiða það allt saman í ljós. Þá væri súrt að hafa samþykkt að greiða brúsann fyrir þá aðila.

Sýna íslensku þjóðinni puttann

Mikið er erfitt að vera íslendingur í dag, sérstaklega þegar sífellt dynur á þjóðinni að hún eigi ekki að fá að eiga síðasta orðið. Það eru nefnilega menn sem vita betur en þjóðin, menn sem halda því fram að þjóðin sé of vitlaus til þess að fá að kjósa um já eða nei, menn sem vilja halda hulu fyrir augum þjóðarinnar í vona um að hún komist aldrei að hinu sanna í málinu.

Steingrímur og Jóhanna fara þarna fremst í flokki, augljóslega í fýlu vegna tilvísunar forseta íslands til þjóðaratkvæðis, enda vita þau miklu betur en þjóðin, hvers vegna ætli það sé?
Sögðu þau ekki þjóðinni allt sem varðar málið, eða leyndu þau þjóðinni einhverju sem gerir það að verkum að aðeins þau Jóhanna og Steingrímur vita afleiðingar þess þegar neitun þjóðarinnar verður skjalfest í opnum kosningum, engin Rússnesk kosning hér Jóhanna.

Aðeins landráðamenn taka kosningarréttinn af sinni þjóð

 

Fólk þarf að fá að velja

Jóhanna er enn við sitt rússneska kosningarhorn. Skilur manneskjan ekki að þjóðin þarf að fá að koma að málinu og velja já eða nei, þó svo að útkoman sé þegar ljós.

Ef Jóhanna tekur þennan rétt af þjóðinni þá hlunnfer Jóhanna þjóðina. Þetta er gott dæmi um hvernig þingmenn missa tenginguna og fara fram eins og þeim sjálfum þóknast.

Forseti Íslands veitti málinu í þann farveg að þjóðin sjálf fengi að velja. Alheimssamfélagið fagnaði þessari ákvörðun íslenska forsetans og nú ætlar Jóhanna að taka þetta til baka, það er ekki lýðræðið sem Ísland setti aftur í fyrsta sæti fyrst þjóða um langan veg.

Svei Þér Jóhanna.

Jóhanna: Skynsamlegra að leysa án þjóðaratkvæðagreiðslu