Hvaðan á ný Ríkisstjórn að koma

Það virðist vera töluverður áhugi meðal manna að fá kosningar strax. Alþingismenn virðast ekki hafa neinar sérstakar áhyggjur af þessu, þó þeim finnist þetta nánast óþarfi og tímaeyðsla í þessu umhverfi þar sem fyrir liggur að fara í umræður um EB og mikil vinna í gangi til að halda klakanum á floti.

Það sem ég skil ekki enn, kannske getur einhver komið með ábendingar, hvaða nýja fólk það er sem á að setja inn á þing? Er það einhverjir sem hafa gengið með veggjum og ekki látið sjá sig fyrr, einhver sem ekki er samsekur og viðriðin sprortslukerfið. Einhver með hreint mjöl? Einhver í glerhúsi?

Kosningar verða einungis uppstokkun í sama sauðahúsinu, sami grauturinn í annarri skál. Það eru alltaf til aðilar sem vilja stofna nýjan flokk, aðallega til þess að tryggja sjálfum sér og sínum, sæti á þingi ef allt gengi eftir. Í þessum "nýja flokk" munu veljast fullt af flokkahoppurum, allir þeir sem eru óánægðir koma og vilja vera með og verða fyrir í allri málefnavinnu.

Það er of seint að fara að setja upp kosningar og setja saman nýjan stjórnarhrærigraut, og ef fólk vill taka völdin, þá verður kaos, enda væri slíkt óhugsandi á íslandi þar sem menn eru of háðir sportslukerfinu.

Niðurstaðan er að fólkið verður að krefja stjórnendur um svör og ábyrgð, ef það næst ekki fram, þá er alveg sama hver er stjórnar klakanum, og þá er aðeins eitt eftir, að gefast ekki upp þegar þú ert búinn að missa alt þitt.

Að Fara til annarra landa og setjast þar að. Ég hef gert að árið 84-90 og aftur 2000, það er ekki eins mikið mál og menn halda. Norðurlöndin eru mjög aðalandi kostur, þá sér í lagi Noregur og Danmörk, en alls ekki UK sem er á hraðri leið til U know what.

Lifið heil.