Jóhanna er VANHÆF! Hún hefur engan skilning á vægi Íslands

Á fundi með Þýsku Evrópusambandsnefndinni þá segir Jóhanna Íslandi til framdráttar að "Ísland hefði mikið fram að færa, meðal annars á sviði jafnréttismála, umhverfismála og ekki síður með menningu sinni og sögu" Allt satt en ekki meginmál í þessari stöðu.

Ekki eitt orð um mikilvægi Íslands fyrir Evrópubandalagið.
Stækkun Evrópubandalagsins til Vesturs og Norðurs, aukið hafsvæði, auknar kröfur bandalagsins til Norðurpólssvæðisins, orkumál, veiðimál, vatnsorka, umskipunaraðstaða fyrir Kína og Indland og svo framvegis.

Hvaða áhuga hafa samningarnefndir á jafnréttismálum, menningu og sögu landsins í sambandi við inngöngu í Evrópubandalagið, alls ekki neinn.

Heldur Heilög Jóhanna að Bandalagið sé að leita eftir meiri sögu, menningu og jafnrétti, allt falleg orð, en einskis virði þegar peningar og útþensla Evrópubandalagsins er annars vegar.

Þetta er enn eitt dæmið um heimsku, sambandsleysi, vankunnáttu, dómgreindarleysi, skort á víðsýni, vöntun á sóknarhug, hugmyndafáfræði og algera vankunnáttu á að meta þörf, tilgang og aðstæður viðsemjenda.

Glæsilegur forsætisráðherra sem hefur ekki glóru um hvert aðalmálefnið er.

Það er örugglega hlegið dátt að þessu í Þýskalandi og talið að við Íslendingar séum heimskir og létt fórnarlamb að eiga við.