Ótækt að forsetinn sé með stæla við ríkisstjórnina

Þorsteinn Pálsson vill taka af þjóðinni það lýðræði og ákvörðunarvald sem Bretar og önnur vestræn ríki eru um þessar mundir að öfunda íslensku þjóðina af.

Maður les í Breskum blöðum setningar eins og "Bara við hefðum getað sett stríðsákvörðunina við Írak í þjóðaratkvæðisgreiðslu" Sáttmálann um ESB og svo framvegis. Bretar gráta það að hafa ekki lýðræði, enda skrifar drottningarlufsan uppá allt sem henni er rétt, bara ef hún fær klink til viðhalds á höllinni.

Við erum aðeins með einn lýðræðislegan varnagla þegar kemur að hópsefjun þingsins sem oftar en ekki siglir eftir vindi frekar en viti.

Þorsteinn Pálsson vill breyta stjórnarskránni þannig að íslenska þjóðin missi talsmann og varnarmann almennings í landinu gagnvart græðgi og misvitrum þingmönnum. Hvað skilda Þorsteini ganga til?

Forseti vor er mannlegur og ekki alvitur frekar en aðrir, en hann er okkar eina vörn gegn mönnum eins og Þorsteini. Þeir sem tala og hugsa svona eiga að skoðast sem landráðamenn.