Eru Verkföll úrelt fyrirbrigði?

1907 fóru Hafnfirskar verkakonur í verkfall, það mun vera talið eitt fyrsta verkfall kvenna á Íslandi, en þetta verður svo aðalverkfæri til að skapa betri afkomu og auka réttindi fram til dagsins í dag.

Það má velta því fyrir sér nú þegar atvinnuleysisbætur og almennar reglugerðir varðandi vinnuaðstæður og lífskilyrði er staðreynd jafnt á Íslandi sem og i EB, að verkföll séu ekki lengur verjandi leið þar sem það bitnar á óviðkomandi aðilum, svo sem ferðafólki og þjónustu og efnahag landsins þegar flug leggst niður vegna verkfalls fáeinna. Reyndar má færa rök fyrir því að verkföll séu í raun skemmdarstarfsemi, þar sem verkföll valda þjóðfélagslegu tjóni að óþörfu þegar litið er til annarra úrræða sem eru fyrir hendi eins og áður er nefnt

Þegar atvinnuleysi er á ásættanlegu stigi þjóðfélagslega séð, þá verður að líta þannig á að ef viðkomandi aðili er ekki sáttur við vinnuaðstæður og laun, þá eigi hann eða hún að finna sér aðra vinnu. Það getur ekki talist mannréttindi að fara í verkfall þegar önnur úrræði eru fyrir hendi, enda hefta verkföll frelsi annarra, og það getur ekki talist viðunandi lengur.

Við eigum að banna verkföll sem hafa áhrif á aðra en viðkomandi atvinnurekanda

Verkföll í einokunaraðstöðu á að banna með lögum